Тоғызқұмалақтан «Қазақстан Зияткері» республикалық турнирінің алғашқы күніндегі жарыстар мәресіне жетті. Финалдық ойындар бүгін өтеді. Сайыс биыл алғаш рет «Республика күні» ұлттық мерекесіне орай ұйымдастырылып отыр, деп хабарлайды QazNews.kz
«Республика күні» ұлттық мерекесіне орай тоғызқұмалақтан рапид түрі бойынша ойындардың жабылуы мен марапаттау рәсімі 24 қазан сағат 16:00-де Астана қаласында «Beijing Palace Soluxe Astana» (Пекин Палас) қонақ үйінде өтеді.
«Қазақстан Зияткері» республикалық турнирі екі кезеңнен тұрады. Бірінші кезең 2024 жылы 15 қазанға дейін облыстық(қалалық) іріктеу арқылы өтті. Ал екінші кезең Астана қаласында жекелей есепте 22-24 қазанда ұйымдастырылды. Жарыстың іріктеу кезеңі Алматы, Астана, Шымкент және барлық облыстарда спорт басқармаларының ұйытқы болуымен және тоғызқұмалақтан аймақтық спорт федерацияларының атсалысуымен өтті.
Жарыстың ақтық кезеңін ҚР Туризм және спорт министрлігі, Спорт және денешынықтыру комитеті, Спортты қолдау қоры, Қазақстан Республикасы Тоғызқұмалақ спорты федерациясы жүзеге асырады. Жарыс 14 жастан асқан ересектер арасында (ерлер, әйелдер) өтеді. Жарыстың жүлде қоры – 25 млн теңге.
Төрт мың жылдық тарихы бар, ерте заманынан дамуын тоқтатпаған тоғызқұмалақты шынайы ұлттық өнерге айналып, ұрпақтан ұрпаққа жеткізген қазақ халқы бар да ол жойылмақ емес. Тоғызқұмалақ – жасөспірімді тәрбиелеудің зияткерлік құралы болумен қатар, шығармашылықпен айналысудың, сол арқылы есте сақтау қабілетін дамытып, жадыны жақсартудың да ерекше жолы.
Барлық Бұқаралық ақпарат құралдары өкілдерін осы шараның жабылуы мен мараппатау рәсіміне қатысуға шақырамыз!
Байланыс үшін: +7 775 494 33 33 Дәулет Әбдәкәрімов
Мекенжайы: «Beijing Palace Soluxe Astana» Астана қаласы, Сығанақ көшесі, 45.