Ulysmedia коллажы
Инстаграм желісінде танымал болған Әлішер Теменов атты блогер бүгін Алматы облысы Райымбек ауданы Қарасаз ауылына барды. Ол Мұқағали Мақатаевтың туған жеріне кешірім сұрау үшін барған, деп хабарлайды QazNews.kz
Қазақ елінің алдында жасап қойған үлкен бір еркелігімді аруақ кешірсін деген ниетпен дәл қазір Мұқағали атамыздың үйінің алдында тұрмын. Барша қазақ елінен жасаған үлкен қателігім үшін кешірім сұраймын, – дейді Теменов.
Өзін рилсмейкер ретінде таныстырып жүрген Әлішер Теменов жарнама жасаған кезде ақын Мұқағали Мақатаевтың туған күн туралы өлеңін талдап, ол жерде ақынға тіл тигізіп, балағат сөздер айтады. Оның бұл видеосы әлеуметтік желіде қызу талқыланып, ақырында блогер жазбаны өшіріп, өз еркімен кешірім сұраған. Алайда ақынның жерлестері ағаттық жіберген жігітті Қарасаз ауылына келуді талап еткені белгілі болды
Мұқағали Мақатаев жалпы “жаловаться” ете беретін сорлы еркек болады ғой – вот сондай. “Бүгін менің туған күнім ой пәлі-ай, мына адамдар неге жатыр тойламай” дейді. “Ей, сен бл… (былапыт сөз) бірінші жасасаңшы туған күніңді – сосын барамыз ғой, – дейді блогер видеода.
Блогер кешірім сұрау үшін ақынның ауылына әкесімен бірге баруға мәжбүр болған. Әлеуметтік желіде тараған видеода оның әкесі көзіне жас алып, ал баласы Қарасаз ауылындағы Мұқағали Мақатаевтың ескерткіші алдында тізерлеп кешірім сұрап жатыр.