Таразда әйел асырап алған балаларын аяусыз ұрып-соққан, деп жазады QazNews.kz
Әлеуметтік желіде журналист Руслан Өтепбай жантүршігерлік видео жариялады. Кадрда әйел балаларды ұрып-соғып жатқаны көрінеді.
Бұл жағдайға Тараз әкімдігі өкілдері пікір білдірді.
«Бұл жайт 2025 жылғы 29 желтоқсанда анықталған. Сол күні балалар мектепке келген кезде білім беру мекемесінің психологі олардың денесінде ұрып-соғу белгілерін байқаған. Осы дерек негізінде полиция тарапынан қылмыстық іс қозғалып, балалардың заңды қамқоршысы ретінде көрсетілген З.Т. есімді азаматшаға қатысты тергеу амалдары басталды», — деп жазылған хабарламада.
Нәтижесінде кәмелетке толмаған балаларды қамқорлығына беру туралы қаулының күші жойылған.
Балалар 2025 жылғы 29 желтоқсаннан бастап арнайы бейімдеу орталықтарына орналастырылған.
