Спорт саласында жетістікке жеткен атақты жеңімпаздарымыз бен чемпиондарымыздың көбі қарапайым, ауылдан шыққан спортшылар екені баршаға белгілі. Сондықтан Жетісу облысы ауылдарда спорт нысандарын салуды қолға алып, бұл бағытта айтарлықтай шаралар атқарып жатыр, деп жазады Жетісу облыстық әкімдігіне сілтеме жасаған QazaqNews.kz
Биылғы жылдың өзінде облыс бойынша 14 спорт нысандарының құрылысы қарқынды жүріп жатыр. Олар: Алакөл ауданы, Лепсинск ауылында дене шынықтыру және спорт кешені;
Панфилов ауданы Үшарал ауылында дене шынықтыру және спорт кешені;
Сарқан ауданы, Алмалы ауылында дене шынықтыру және спорт кешені;
Текелі қаласында дене шынықтыру және спорт кешені;
Талдықорған қаласында волейболдан оқу-жаттығу спорт кешені;
Ақсу ауданы, Қапал ауылында және Панфилов ауданы Көктал ауылында анғар типті спорт кешендері;
Блокты модульді 7 спорт кешендерінің құрылыстары жүргізілуде және Жетісу орталық стадионы реконструкциядан өтті.
Олардың арасында:
Текелі қаласындағы спорт кешені мен Қаратал ауданы Көпбірлік және Тастөбе ауылындағы блокты модульді спорт кешендері ел игілігіне қолданысқа берілді, ал қалған спорт нысандары жыл соңына дейін толығымен тапсырылатын болады.