Автор: Али

2026 жыл Қазақстандағы денсаулық сақтау жүйесі үшін бетбұрыс кезең болмақ. Медицина саласында енгізілген бірқатар өзгерістерді жас ата-аналар да, созылмалы ауруы бар азаматтар да, медицина қызметкерлері де сезінеді, деп жазады QazNews.kz Бұл жаңашылдықтардың мәнін Qazaq Expert Club-тың денсаулық сақтау саласындағы сарапшысы Гүлнафис Жүсіпәлиева қарапайым тілмен түсіндіріп берді. Оның айтуынша, өзгерістер медициналық көмекті алу тәртібінен бастап, цифрландыруға және медицина қызметкерлерін қолдауға дейінгі барлық бағытты қамтиды. Тегін медициналық қызметтер қысқарды ма? Сарапшының сөзінше, тегін медициналық көмектің кепілдендірілген көлемі қысқарған жоқ. Бұрынғыдай толық көлемде сақталады: жедел медициналық көмек; учаскелік дәрігердің қабылдауы; профилактикалық тексерулер; скринингтер; жүкті әйелдер мен балаларды бақылау; шұғыл көмек қажет болғандағы базалық диагностика. Жаңа…

Қарағандыда балалар мекемесінің тәрбиеленушілерінен ақша бопсалаған топ әшкере болды, деп жазады QazNews.kz 8 қаңтарда Қарағанды қаласында Полиция департаментінің ұйымдасқан қылмысқа қарсы күрес басқармасының жедел қызметкерлері прокуратурамен өзара іс-қимыл барысында әлеуметтік осал санаттағы азаматтарға арналған арнайы мемлекеттік төлемдерден ақша бопсалауға қатысы бар ұйымдасқан топтың заңсыз әрекетін әшкереледі. Жедел іс-шаралар барысында өңірдегі балаларға арналған мекемелердің бірінің тәрбиеленушілері қылмыскерлердің құрбаны болғаны анықталды. Алдын ала мәліметке сүйенсек, кейінгі жарты жыл ішінде күдіктілер алдау, қорқыту және физикалық күш қолдану арқылы бірнеше жәбірленушіден жалпы сомасы 10 миллион теңгеден аса қаражатты иемденген. «Оларды арнайы шоттардан ақша шешуге, сондай-ақ, микроқаржы ұйымдарында несие рәсімдеуге мәжбүрлеген. Жүргізілген жедел іздестіру іс-шаралары нәтижесінде күдіктілерден…

Иранда үкіметке қарсы өткен жаппай наразылық кезінде қаза тапқандар саны 500 адамнан асты. Аталған жағдайға байланысты елде үш күндік ұлттық аза тұту жарияланды, деп жазады QazNews.kz Иран президенті Масуд Пезешкиан 12 қаңтар күні өтетін аза тұту шарасына тұрғындарды да қатысуға шақырған. АҚШ-та орналасқан HRANA құқық қорғау ұйымы таратқан дерекке сәйкес, қаза тапқандардың ішінде 490 наразылық білдіруші және Иранның қауіпсіздік құрылымдарының 48 қызметкері бар. Сонымен қатар ел бойынша шамамен 10 мың адам қамауға алынған. Ал Иран билігі адам шығынына қатысты әзірге ресми ақпарат таратқан жоқ. Наразылық акциялары елдің барлық провинциясындағы 186 қала мен елді мекенді қамтыған.

Жаңа жылдың алғашқы күндерінде бірінші сұрыпты ұннан жасалатын әлеуметтік маңызы бар нан Қазақстанда рекордтық қарқынмен қымбаттады, деп жазады QazNews.kz Бірінші кредиттік бюроның мәліметінше, 30 желтоқсан мен 8 қаңтар аралығында ел бойынша нанның орташа бағасы бірден 1,8%-ға өскен. Бұл 2022 жылдың наурыз айынан бергі апта сайынғы статистикадағы ең жоғары өсім. Алайда бұл көрсеткіш бүкіл елде бірдей қымбаттау болғанын білдірмейді. 20 қала бойынша жүргізілген мониторинг нәтижесінде 18 қалада баға өзгермеген. Семейде нан 0,4%-ға ғана қымбаттаған. Ал күрт өсім тек Түркістанда тіркелген. Сарапшылардың айтуынша, 2025 жыл бойы Түркістанда нан бағасы тұрақты болып, тіпті төмендеген. Желтоқсан соңында ол бір жыл бұрынғы деңгейден 1%-ға арзан болған. Соның…

Атырау қаласында ем алу үшін келген 59 жастағы Талғат Назаров үш күннен бері табылмай жатыр. Ол ауылдан қалаға келіп, ауруханаға бет алғанымен, көп ұзамай байланысқа шықпай қалған. Бұл туралы жергілікті Instagram парақша мәлімдеді, деп жазады QazNews.kz Туыстарының айтуынша, ер адам қаланы жақсы білмейді және эпилепсия дертіне шалдыққан, сондықтан адасып кетуі мүмкін. Кеше Жайық өзені аумағынан оның ұялы телефоны мен бас киімі табылған. Алайда өзінен әлі хабар жоқ. Отбасы іздеу жұмыстарына қосымша күш қажет екенін айтып, қандай да бір ақпарат білетін азаматтарды полицияға хабарлауға шақырды.

Атырау облысында отбасы мүшелерін өлтірді деген күдікке ілінген азаматқа қатысты ориентировка жарияланды, деп жазады QazNews.kz Атап айтқанда, Атырау облысында бір отбасы мүшелерін өлтірді деп күдікке ілінген, марқұмдардың күйеу баласы Сұлтан Сәрсемәлиевке қатысты іздеу карточкасы жарияланған. «Сәрсемәлиев Сұлтан Самиғоллаұлы. Бір тәуліктен бері іздеуде. Туған күні: 24.04.1996 жыл, жынысы: ер, Қазақстан Республикасының азаматы, ұлты — қазақ. Іздестіру ісі 08.01.2026 жылы “Атырау облысы” өңірі бойынша тіркелген. Бастамашы — Қазақстан Республикасы Ішкі істер министрлігі. Іздестіруді жүргізіп отырған орган — Атырау облысының полиция департаменті (тел.: 982155)», — делінген құқықтық статистика және арнайы есепке алу органдарының порталында жарияланған іздеу карточкасында. Еске салайық, Жангелдин ауылынан шыққан отбасы 2025 жылы…

2026 жылдан бастап Қазақстанда көлік салығын есептеу тәртібі өзгереді. Жаңа ережелер көліктің жасына, санатына және құнына тікелей байланысты болады, деп жазады QazNews.kz Qazaq Expert Club сарапшысы, қаржыгер Жәния Сандыбайдың айтуынша, бұл өзгерістердің негізгі мақсаты — әлеуметтік тұрғыдан осал топтарға түсетін салық жүктемесін азайтып, қымбат көлік иелері үшін жауапкершілікті күшейту. Көліктің пайдаланылған мерзімі Алғаш рет көлік салығын есептеу кезінде көліктің пайдаланылған мерзімі ескеріледі. Бұл бағытта төмендету коэффициенттері енгізіледі: 10 жылдан 20 жылға дейінгі көліктер үшін — салық 30%-ға азаяды; 20 жылдан асқан көліктер үшін — 50% жеңілдік қарастырылған. Бұл — елдегі ескі автопарк иелері үшін айтарлықтай қолдау. Ұлттық статистика бюросының дерегінше, Қазақстандағы жеңіл…

Қызылордада 8 қаңтарға қараған түні пышақ жарақатынан әйел мен оның 34 жастағы қызы қаза тапты, деп жазады QazNews.kz  Алдын ала мәліметке сәйкес басты күдікті — марқұмдардың көршісі. Ол қылмыс орнында ұсталды. Бұл дерек бойынша «Адам өлтіру» бабы бойынша қылмыстық іс қозғалды. Күдікті уақытша ұстау изоляторына қамалған. Оқиғаның өзге мән-жайы тергеу барысында анықталмақ.

Қазақстанда жыл сайын 18 жасқа дейінгі барлық баланың шотына Ұлттық қордан қаражат аударылады, деп жазады QazNews.kz qarzhylyq_sauat арнасына сілтеп. Қаражат қашан түседі? 2025 жылға арналған нысаналы жинақ пен оған есептелген инвестициялық табыс 1 ақпанға дейін балалардың шотына аударылады. 2008 жылы туған, биыл 18 жасқа толатын балалардың да жинағы осы мерзімде есепшотқа түседі. Қаражат қайдан қалыптасады? Әр балаға бөлінетін сома Ұлттық қордың инвестициялық табысының 50 пайызы есебінен қалыптасады және барлық балаға тең бөлінеді. 18 жасқа дейін бұл қаражат Ұлттық қордың активтерінде қала береді, инвестицияланады және қосымша табыс әкеледі. Оны мерзімінен бұрын шешіп алу мүмкін емес. 18 жасқа толғаннан кейін қалай пайдалануға болады? Жинақ тек екі…

Алматы маңындағы жол апатынан зардап шеккен үндістандық студент ауруханада көз жұмды, деп жазады QazNews.kz Бұл туралы Үндістанның Қазақстандағы елшілігі Facebook желісіндегі ресми парақшасында мәлімдеді. Мәліметке сүйенсек, 2001 жылы туған Рахул Ядав 9 қаңтарда таңертең жансақтау бөлімінде көз жұмған. Қазір марқұмның денесін Отанына жеткізу жұмыстары жүргізіліп жатыр. Сондай-ақ, осы жол апатынан қаза тапқан тағы екі үндістандық студент — Каран Пармар мен Риширадж Байраттың мәйіттері бүгін Үндістанға жөнелтілгені хабарланды. Айта кетейік, оқиға 6 қаңтарда болған. Көлікте Үндістанның бес азаматы отырған. Төртеуі — Оңтүстік Қазақстан медицина университетінің студенттері, ал бірі — турист. Олар Шымкенттен Алматыға жолға шыққан.