Автор: Али

Каспий құбыр консорциумы (КҚК) қолайсыз ауа райына байланысты теңіз терминалында мұнайды қабылдау мен тиеу жұмыстарын уақытша тоқтатты, деп жазады QazNews.kz Консорциумның хабарлауынша, 29 желтоқсанда терминал аумағында жел соғып, қолайсыз метеожағдай қалыптасқан. Осыған байланысты мұнайды тиеу жұмыстары ауа райы тұрақталғанға дейін тоқтатылған. Сонымен қатар, мұнай қабылдау да уақытша доғарылған. КҚК өкілдері жүк жөнелтушілерге бұл жағдай туралы алдын ала хабар берілгенін мәлімдеді. Айта кетейік, Каспий құбыр консорциумы Ресей, АҚШ, Қазақстан және Батыс Еуропаның бірқатар елдерінің ірі мұнай-газ компанияларын біріктіреді.

Оқу-ағарту министрлігі педагогтерді аттестаттау қағидаларын қайта қарап, министрлікте бұған дейін бекіген бұйрықтарды қайта зерделемек, деп жазады QazNews.kz Бұған дейін министрлікке түскен ұсыныстардың дені аттестаттаудан өту кезінде педагогтерден авторлық бағдарламаларды әзірлеу туралы талапты алып тастау болатын. Бүгінде «педагог-шебер» біліктілік санатына қойылатын талаптардың бірі — республикалық оқу-әдістемелік кеңес ұсынған авторлық бағдарламаларды әзірлеу және тәжірибеге енгізу. Ы. Алтынсарин атындағы Ұлттық білім академиясы жанындағы Сараптама кеңесі мектепке дейінгі және орта білім беру саласындағы педагогтердің авторлық бағдарламаларына республикалық деңгейде сараптама жүргізеді. 2025 жылы республикалық сараптамалық кеңес 875 материалды қарастырған. Оның ішінде 303 авторлық бағдарлама мақұлданып, 572 авторлық бағдарлама қайта пысықтауға жіберілген. Министр Жұлдыз Сүлейменова авторлық бағдарламалардың көбі…

Алматыда кәмелетке толмаған қызға қатысты қудалау дерегі бойынша Үндістан азаматы ұсталды. Бұл туралы Алматы қаласының полиция департаменті мәлімдеді, деп жазады QazNews.kz Полицияның мәліметінше, жәбірленушінің анасының арызы Алмалы аудандық полиция басқармасында тіркелген. Арыз негізінде тексеру жүргізіліп, күдікті ретінде шетелдік студент анықталып, ұсталған. «Полиция қызметкерлері аталған азаматты анықтап, ұстады. Тексеру қорытындысы мен қабылданған процессуалдық шешімдерге сәйкес, әрекетке заң аясында құқықтық баға беріледі», – деп мәлімдеді полиция департаменті. Бұған дейін алматылық Анна Муленкова әлеуметтік желіде жазба жариялап, 17 жастағы, мүгедектігі бар қызына шетелдік студент тарапынан жыныстық сипаттағы әрекет жасалмақ болғанын айтқан еді.

Кеше Алматыда Қазақстанның еңбек сіңірген қайраткері, белгілі актер, сценарист, кинодраматург әрі жазушы Нұрлан Санжарұлы Сегізбаевты ақтық сапарға шығарып салу рәсімі өтті. Қазақстан Жазушылар одағында жазушының соңғы хаты оқылды, деп жазады QazNews.kz Бірнеше кітаптың авторы Нұрлан Сегізбаев өмірінің соңғы айында ғана Жазушылар одағына қосылды. Шығармашылыққа адал, ұстанымына берік болған Нұрлан Сегізбаев дабыраға көп жоламай, өз бетінше әдеби және ғылыми кітаптар жазған. Онымен былтыр жолыққан Жазушылар одағының басшысы Мереке Құлкенов былай деп сөз сөйледі: «Былтыр Қапшағай қаласында Бердібек Соқпақбаевтың 100 жылдық мерейтойында Нұрлан Санжарұлы Сегізбаевпен алғаш рет жүздескен едім. Сол сәттен бастап-ақ кинодағы Нұрлан мен өмірдегі Нұрланның мүлде бөлек болмыс екенін аңғардым. Экрандағы албырт,…

Көлік министрлігі елді мекендерде көктайғаққа қарсы күрес кезінде тұз қолдану тоқтатылғанын мәлімдеді, деп жазады QazNews.kz Ведомствоның мәліметінше, тұз топыраққа, жасыл желекке және қалалық экожүйеге кері әсер етеді. Министрліктің хабарлауынша, енді оның орнына отандық өндірістегі көктайғаққа қарсы материалдар пайдаланылады. Атап айтқанда, жолдарға жол технологияларының бірыңғай базасында тіркелген құрғақ және сұйық реагенттер себіледі. Бұл құрамдардың ерекшелігі — олардың құрамында хлоридтер жоқ, мұз бен қарды еріту тиімділігі сақталады және сонымен бірге жол инфрақұрылымы мен қоршаған ортаға анағұрлым қауіпсіз болып саналады.

2026 жылы Салық кодексіне енгізілетін өзгерістер салдарынан шамамен 300 мың шағын және орта бизнес субъектісі жабылуы мүмкін. Бұл болжамды экономист Мақсат Халық жоққа шығармады, деп жазады QazNews.kz Todayinfo.kz-ке сілтеме жасап. Алайда сарапшы бұл кәсіпорындардың барлығы толық банкротқа ұшырайды дегенді білдірмейтінін атап өтті. Оның айтуынша, бір бөлігі қызметін тоқтатып, кейін қайта тіркелуі немесе басқа форматта жұмысын жалғастыруы мүмкін. «Орта есеппен алғанда, әрбір шағын және орта бизнес субъектісінде 2–3 адамнан жұмыс істейді. Демек, бұл өзгерістер кемінде жарты миллионға жуық азаматтың табысына әсер етуі ықтимал. Әрине, олардың барлығы бірден жұмыссыз қалады деуге болмайды, бірақ қысқа мерзімде уақытша жұмыссыз қалу қаупі жоғары», – дейді экономист. Қазіргі ресми статистикаға…

1 қаңтардан бастап ең төменгі күнкөріс деңгейі 10%-ға артады. Соған сәйкес барлық мемлекеттік жәрдемақылар мен зейнетақы төлемдері де 10%-ға өседі, деп жазады QazNews.kz Бала тууға байланысты берілетін жәрдемақы: 1–3-балаға – 164 350 теңге 4 және одан көп балаға – 272 475 теңге Көпбалалы отбасыларға берілетін жәрдемақы: 4 бала үшін – 69 330 теңге 10 бала үшін – 173 мың теңге Мүгедектік бойынша (жалпы ауру салдарынан): 1-топ – 111 872 теңге 2-топ – 89 498 теңге 3-топ – 61 021 теңге Ең төменгі базалық зейнетақы: 35 596 теңге. Ең жоғары базалық зейнетақы: толық еңбек өтілі болған жағдайда – 60 005 теңге.

Оның ең бастысы – жазда ғана облыстық жолаушы көлігі және автомобиль жолдары басқармасының басшысы лауазымына тағайындалған Данияр Уахитовтың істі болуы. Облыс әкімі Нұрымбет Сақтағанов қызметіне кіріскеннен соң 4 айдан кейін Данияр Уахитовты аудан әкімінің орынбасары лауазымынан бірден басқарма басшысы деңгейіне көтерген болатын. Екеуі бұрын Ұлан ауданында бірге қызмет атқарған. Нұрымбет Сақтағанов – аудан әкімі, Данияр Уахитов – осы ауданға қарасты Таврия ауылдық округінің әкімі болды. Тағайындау барысында өңір басшысы «Данияр Асқарұлы 17 жылдық еңбек өтілі бар, 9 жыл мемлекеттік қызметте жұмыс істеген мол тәжірибесі бар. Оған жолаушылар көлігінің үздіксіз қозғалысын, жолдардың мерзімінде және сапалы жөнделуін, өңірде жаңа жол магистральдарын салуды…

Кейінгі жылдары Instagram мен TikTok кеңістігінде “ұтыс ойындары”, “лотерея” форматындағы науқандар көбейіп келеді. Блогерлер үй, көлік, тұрмыстық техника немесе тауар сатып алғандар арасында сыйлық ойнату арқылы аудитория жинап, табыс табудың жаңа тәсілін қалыптастырып жатыр. Алайда заңгер Айгүл Орынбек мұндай әрекеттердің басым бөлігі Қазақстан заңнамасына қайшы екенін, ал қатысушылар құқықтық тұрғыда қорғалмайтынын атап өтті, деп жазады QazNews.kz Лотерея – тек уәкілетті оператордың құқығы Айгүл Орынбектің айтуынша, Қазақстанда лотерея өткізу арнайы құқықтық режимге жататын қызмет. Яғни, “Лотереялар және лотерея қызметі туралы” заңға сәйкес, лотереяны тек уәкілетті оператор өткізе алады. Мұндай қызмет лицензияланады және мемлекеттік бақылауда болады. “Сәйкесінше блогерлердің, жеке тұлғалардың, коммерциялық аккаунттардың өз бетінше ұтыс…

АҚШ-тың Ішкі қауіпсіздік министрлігі дайындаған “ең қауіпті қылмыскерлер” тізіміне Қазақстаннан шыққан үш адам енгізілді, деп жазады QazNews.kz Tengrinews.kz мәліметінше, бұл туралы америкалық ведомствоның ресми деректер базасында жарияланған. АҚШ Ішкі қауіпсіздік министрлігінің ақпаратына сәйкес, посткеңестік елдерден шыққан мигрант-қылмыскерлердің антирейтингінде Украинаның 27 азаматы, Ресейдің 18 азаматы, Арменияның 22 азаматы, Грузия мен Беларусьтің екі адамы бар. Сонымен қатар тізімдегі адамдардың басым көпшілігі Латын Америкасы елдерінің азаматтары екені белгілі болды. Атап айтқанда, базаға енген Мексикадан шыққан мигранттардың саны мыңнан асады.