Автор: Али

Алматыда жауған қарға байланысты полиция азаматтарға үндеу жасады, деп жазады QazNews.kz Алматыда өткен түні қыстағы алғашқы қар жауды. Алматы қалалық Полиция департаменті дерегінше, кешкі сағат 20:00-ден бүгін таңғы сағат 06:00-ге дейін 58 жол апаты тіркелген. «9 адам жарақат алды, қайтыс болғандар жоқ», — деді полиция. Алматы полициясы күшейтілген режимде қызмет атқарып, жол қауіпсіздігін қамтамасыз етуге басымдық беріп отыр. Алматы Полиция департаменті қала тұрғындарын жолда сақ болуға, қысқы жағдайды ескеруге және жол қозғалысы ережелерін қатаң сақтауға шақырды.

Қазақстанда ең көп өзгеріске ұшырайтын жол қозғалысына қатысты нормалар мен заңдар деп жүрміз. Алайда Ішкі істер министрлігіне қарасты бұл салада реформалар өз тиімділігін көрсетіп отыр ма? Жол жүру ережелеріне жақында тағы да өзгерістер енді. Түзетулер 10 қарашада мақұлданып, 23 қарашадан бастап қолданыла бастады. Бұл мәселеге қатысты сарапшылар не дейді? Толығырақ QazNews.kz материалында. Автосарапшы Алексей Алексеев бұрынғы жол полициясы қызметін қайтару керек дейді. Тағы бір маман, Қазақстандағы тұңғыш электрокарды құрастырған Таир Балбаев елдегі жол ережесіне қатысты реформалар оң нәтиже бере бастады деп санайды. Елді мекендерде жүк көліктері үшін жылдамдық 50 километр сағатқа дейін шектелді. Бұл шектеу тек жылдам жүруге арнайы рұқсат…

Қазақстанда қайтарылмайтын билет түрін алып тастау қарастырылып жатыр. Егер бұл норма қабылданса, авиабилеттердің құны өсуі ықтимал. Бұл туралы Үкіметтегі брифингте көлік вице-министрі Талғат Ластаев мәлімдеді, деп жазады QazNews.kz Еске салайық, 2023 жылы билетті 100% қайтаруға болмайтын талапты жою бастамасы көтерілген еді. 2024 жылдың қыркүйегінде Мәжіліс «Тұтынушылардың құқықтарын қорғау туралы» заң жобасын бірінші оқылымда мақұлдады. Құжатта осы норманы енгізу қарастырылған. Вице-министрдің айтуынша, толық қайтарылатын билет енгізілсе, шығын авиакомпания емес, басқа жолаушылардың тарифіне қосылуы мүмкін. — Егер билет толық қайтарылатын болса, компенсация шығындары рейске келген басқа жолаушыларға бөлінеді. Өйткені авиакомпаниялардың жалғыз табыс көзі — билеттің құны. Сондықтан бұл шығындар тарифтерге әсер етіп, бағаның өсуіне…

Кентау қаласында қоқыстан жаңа туған нәресте табылды. Аталған дерек бойынша қазіргі уақытта баланың анасын анықтауға бағытталған жедел-іздестіру іс-шаралары жүргізіліп жатыр, деп жазады QazNews.kz Полиция қызметкерлері аулааралық аумақтарды аралап, бейнебақылау камераларының жазбаларын зерделеуде, сондай-ақ жақын орналасқан үйлердің тұрғындарымен және ықтимал куәгерлермен сұхбат жүргізуде. Бұдан бөлек, медициналық мекемелер де кешенді түрде тексерілуде. Барлық мән-жайларды анықтау мақсатында қажетті тергеу әрекеттері жалғасуда. Тергеу нәтижелері бойынша заңға сәйкес тиісті шешім қабылданатын болады. ҚР ҚПК-нің 201-бабына сәйкес, тергеу мүддесіне қатысты өзге ақпарат жария етуге жатпайды.

Ақмола облысында сапасыз өнім саудалаған кәсіпкерлер айыппұл арқалады, деп жазады QazNews.kz Сонымен қатар, Шортанды ауданындағы дүкенде шұжық бағасы шетел валютасы, яғни рубльмен белгіленген. «Заң бойынша сауда сөресіндегі баға тек теңгеде көрсетілуі шарт. Бұл құқықбұзушылық үшін кәсіпкерге айыппұл салынды», — деп жазылған Сауда және интеграция министрлігі хабарламасында. 2025 жылы Ақмола облысында әкімшілік жауапкершілікке 216 кәсіпкер тартылған, олардың 99-ы ескерту алған, ал 117-сі жалпы сомасы 2,2 миллион теңгеден аса айыппұл төлеген. Анықталған құқықбұзушылықтар қатарында әлеуметтік маңызы бар өнімдерге сауда үстемесінің асып кетуі, шетел валютасымен тауар сату, тұтынушы бұрыштарының жоқтығы және тұтынушылардың шағымдарына заңда белгіленген мерзімде жауап бермеу бар.

Үкімет отырысында алдағы вегетациялық кезеңде еліміздің оңтүстік аймақтарын сумен қамтамасыз ету мәселесі қаралды, деп жазады QazNews.kz Премьер-министр басты міндет суды көп қажет ететін дақылдардың үлесін қысқарту және су үнемдеу технологияларын енгізу екенін атап өтті. «Су ресурстары министрлігі бекітілген шектен тыс су берудің алдын алсын. Бұл — өзекті мәселе, мен қайталап айтамын. Ауыл шаруашылығы министрлігі егіс алқаптарын әртараптандыру жөнінде тиісті кесте бекітті, алдағы уақытта барлық жұмыс осы кестеге сәйкес жүргізілуге тиіс. Мысалы, бір шаруашылықта 100 гектар болуы керек десек, ертең 1 гектардан артық егілсе, оған бір тамшы су бермейміз. Ертең Ауыл шаруашылығы министрлігі бекіткен көрсеткіштерді бұзып, диқандар шығынға ұшыраса, бір тиыны да бюджеттен…

Димаш Құдайберген БҰҰ-ның көші-қон ісінің дүниежүзілік ізгілік елшісі болып тағайындалды, деп жазады QazNews.kz 8 желтоқсанда Женевада өткен жыл сайынғы сессия барысында Біріккен Ұлттар Ұйымының Халықаралық көші-қон ұйымы (ХКҰ) Димаш Құдайбергенге жаһандық ізгілік елшісі мәртебесін берді. 2024 жылы Димаш ХКҰ-ның өңірлік ізгілік елшісі болып тағайындалған еді. Ол өзіне тиесілі жаһандық платформа арқылы мигранттардың мәселелеріне қоғам назарын аударып, олардың интеграциясына жәрдемдесіп, сондай-ақ, қаражат жинау шараларына қатысып, ұйымның жұмысына қолдау көрсетіп отырды.

Қытай астанасында желіні де, жол салу саласының мамандарын да таңғалдырған ерекше оқиға болды. Тек бір түн ішінде жұмысшылар 8 мың тонна асфальт төгіп, айналма жолдың 2,4 шақырымын бар болғаны алты сағатта толық жаңартты, деп жазады QazNews.kz carvix сайтына сілтеме жасап. ҚХР Сыртқы істер министрлігінің ресми өкілі Мао Нин «Қытай жылдамдығы» атты видеоролик жариялап, кең көлемді жұмыстың қалай жүргізілгенін көрсетті. Бейнетаспада Бейжіңнің төртінші айналма жолын жаңарту барысы және мегаполистегі экологиялық жағдайды жақсартуға бағытталған шаралар көрсетілген. Желіде жарияланған видео қазіргі технология мен дұрыс ұйымдастыру кез келген күрделі істі шындыққа айналдыра алатынын дәлелдеді. Жөндеу жұмыстары түнгі сағат 00:00 шамасында басталып, алты сағаттан кейін толық аяқталған.…

Алматыдағы тау бөктерінде құрылыс жүргізуге толық тыйым салынады, деп жазады QazNews.kz 24kz-ке сілтеп. Мәліметке сүйенсек, жаңа Құрылыс кодексіне осындай түзету енгізілген. Құжаттың нормалары келер жылдан бастап күшіне енеді. Бұл жайында Мәжіліс депутаты Бақытжан Базарбек «Түйін» ақпараттық-сараптамалық бағдарламасына берген сұхбатында айтты. «Бұған дейін 2020 жылы Президент тау бөктерінде құрылыс жүргізуге тыйым салу туралы тапсырма берген. Құрылыс кодексі аясында енді тау бөктерінде, сел қаупі, лай көшкіні қаупі туындайтын аймақтарда құрылыс жүргізуге, жер беруге де толығымен тыйым салынады. Яғни Жер кодексіне де тиісті өзгерістерді енгіздік», — деді депутат. Жаңа Құрылыс кодексін Парламент Мәжілісі мақұлдап, Сенатқа жолдаған. Әзірлеу барысында жұмыс тобының 75 отырысы өтіп, депутаттар 2 мыңнан аса…

Ақтөбе облысында тағы да жантүршігерлік жол апаты болып, 5 шетелдік қаза тапты, деп жазады QazNews.kz 7 желтоқсанда сағат 08:40 шамасында республикалық маңызы бар Самара–Шымкент тасжолының 1024-шақырымында автобус аударылып кеткен. «Алдын ала мәлімет бойынша автобус жүргізушісі Самара–Шымкент тасжолымен Қарабұтақ ауылынан Қызылорда облысына қарай келе жатып, Әйтекеби ауданына қарасты Ұлғайсын ауылының маңында көлік құралының қозғалыс бағыты бойынша оң жаққа аударылуына жол берген. Автобус салонында Пермь–Ташкент бағытында жол жүрген Өзбекстан Республикасының 49 азаматы болған», — деді полиция. Жол апаты салдарынан 5 жолаушы оқиға орнында көз жұмды, 11 жолаушы түрлі дене жарақаттарымен Әйтекеби аудандық ауруханасына жеткізілді. Қазіргі таңда жол-көлік оқиғасының себебі анықталып жатыр.