Фото. Chris McGrath/Getty Images
Түркияда қамауға алынған оппозиция өкілі Экрем Имамоғлының орнына Стамбул мэрінің міндетін атқарушы сайланды. Бұл қызметке оппозициялық партия өкілі Нури Аслан кірісті, деп хабарлайды РИА Новости-ге сілтеме жасаған QazNews.kz
Дауыс беру қорытындысына сілтеме жасаған басылымның хабарлауынша, Стамбұл мэрінің міндетін атқарушы болып оппозициялық Республикалық халық партиясының өкілі Нури Аслан сайланды.
«Нури Асланға Кеңес мүшелерінің көпшілігі — 177 адам дауыс берді, ол әкімнің міндетін атқарушы болып сайланды», — деп хабарлады дауыс беру модераторы желідегі онлайн көрсетілім барысында.
Имамоғлы мен Аслан мүше болған Республикалық халық партиясы қалалық кеңестегі 314 орынның 185-іне ие.
Имамоғлы 2019 жылдан бері мегаполис мэриясын басқарған, ал 2024 жылы ол билік партиясындағы бәсекелесінен 12 пайыз дерлік артықшылықпен осы лауазымға қайта сайланған.
Тұтқындалған мэр 23 наурыздан бері Стамбұл маңындағы Силиври түрмесінде қамауда отыр.