Қазақстандық танымал волейболшы Сабина Алтынбекованың ажырасқаны туралы бұған дейін сыбыс тараған болатын. Спортшының өзі бұл ақпаратты растады, деп жазады Alash.KZ-ке сілтеме жасаған QazNews.kz
Әлеуметтік желіде оқырмандарының бірі спортшыдан жеке өміріне қатысты сұрақ қойған. «Сіздер айырылысып кеттіңіздер ме?»,- деп сұраған оқырман.
Волейболшы көпшіліктің күдігін растады.
«Мен ресми түрде некеде болдым және ресми түрде ажырастым. Бұл жайтқа қатысты көптеген сауал болды. Осы жауабыммен бәріне нүкте қоямын», — деді Алтынбекова.
Айта кетейік, волейболшы Сәбина Алтынбекова 2020 жылы кәсіпкер Саят Салманұлына тұрмысқа шығып, 2021 жылы ерлі-зайыпты ұлды болған еді.
Бүгінге дейін Алтынбекова Индонезияның «Yogya Falcons» командасында өнер көрсетті. Алайда, қазір Астанаға оралған. Болашақ жоспары туралы волейболшы жақын күндері мәлімдемек.