Оңтүстік Америка құрлығында қазақтың ұлттық ойыны тоғызқұмалақты дамыту үшін федерация құрылды. Қазақстандық делегация 2024 жылғы 24 қараша күні Колумбияның Кали қаласында «Латын Америкасының Тоғызқұмалақ Федерациясы» құрылу рәсіміне қатысты, деп хабарлайды QazNews.kz. Оған Колумбия, Бразилия, Мексика, Эквадор, Аргентина, Чили, Гватемала, Панама, Венесуэла елдері мүше болуға ниет білдірген. Ал су жаңа федерация президенті — болып Oscar Fajardo, ал бас хатшы болып German Gonzalez сайланды.
Сондай-ақ 22-30 қараша аралығында Колумбияның Кали қаласында тоғызқұмалақтан халықаралық турнир өтіп жатыр. Жарысқа ерлер мен әйелдер арасында Колумбия, Бразилия, Мексика, Эквадор, Аргентина, Чили, Гватемала, Панама, Венесуэла, Қазақстан елдерінің спортшылары қатысты. Латын Америкасындағы интеллектуалдық ойын жарысының өтуіне Дүниежүзілік Тоғызқұмалақ Федерациясы ұйытқы болды. Тоғызқұмалақтан ҚР Ұлттық құрама командасының іссапарына ҚР Туризм және спорт министрлігі, Самұрық-Қазына қоры мен Спортты дамыту қоры демеушілік қолдау көрсеткен.
Жарыстың бас демеушісі — Kazpetrol Group.