Автор: Али

Еңбек және халықты әлеуметтік қорғау министрлігі 2025 жылғы желтоқсанда ең жоғары жалақы көрсетіп отырған бос жұмыс орындарын жариялады. Сондай-ақ ведомство сұраныс жоғары, яғни еңбек нарығында маман тапшылығы бар мамандықтарды атады,  деп жазады QazNews.kz Ең жоғары ұсынылатын жалақылар Министрліктің мәліметінше, 2025 жылғы желтоқсанда бос жұмыс орындары арасында ең жоғары еңбекақы ұсыныстары мыналар бойынша тіркелген: Өндіріс басшысы — шамамен 1,8 миллион теңге; Кеніш директоры — шамамен 1 миллион теңге; Химиялық инженер — шамамен 1 миллион теңге. Мамандықтар бойынша ең жоғары еңбек күтілімдері Жұмыс іздеушілердің түйіндемелерінде ең жоғары жалақы талаптары мына салаларда байқалған: Агроном-энтомологтар — шамамен 3,4 миллион теңге; Стюардессалар — шамамен 3,3 миллион…

ҚМА Астана қаласы бойынша департаменті прокуратураның үйлестіруімен екі жекеменшік клиниканың басшысына қатысты Әлеуметтік медициналық сақтандыру қорының қаражатын жымқыру фактісі бойынша сотқа дейінгі тергеп-тексеру жүргізіп жатыр,  деп жазады QazNews.kz 2022 жылы Қор мен клиникалар арасында жалпы сомасы 2,4 млрд теңгені құрайтын медициналық қызметтер көрсету туралы шарттар жасалған, оның ішінде жылжымалы медициналық пойыз қызметтері де қамтылған. Жобаны іске асыру басталғаннан кейін клиникалар басшысы алаяқтық схема ұйымдастырып, медициналық көмекті іс жүзінде алмаған пациенттер туралы ақпараттық жүйеге көрінеу жалған мәліметтер енгізген. Атап айтқанда, жалған диагноздар мен көрсетілмеген қызметтер тіркелген. Күн сайын жалған түрде тіркелетін пациенттер саны 90-нан 150 адамға дейін жеткен. Нәтижесінде клиникалар нақты көрсетілмеген…

Ресей аумағында орналасқан металлургиялық кәсіпорында Қазақстанның екі азаматының мәйіті табылды,  деп жазады QazNews.kz Қайғылы оқиға «Северсталь» компаниясының негізгі активі саналатын Череповец металлургиялық комбинатының өндірістік алаңында болған. Компания таратқан ресми ақпаратқа сәйкес, 14 қаңтар күні комбинат аумағынан мердігер ұйымдарда жұмыс істеген екі қызметкер өлі күйінде табылған. «Қазіргі уақытта оқиғаның себептері анықталып жатыр. Арнайы қызметтер жұмыс істеуде. Қаза тапқан қызметкерлердің жақындарына қайғыра көңіл айтамыз», – делінген «Северсталь» компаниясының хабарламасында. Вологда облысы бойынша Ресей Федерациясының Тергеу комитеті мәліметінше, оқиға орнына жедел тергеу тобы жіберіліп, тексеру жұмыстары жүргізіліп жатыр. Кейін белгілі болғандай, Череповец металлургиялық комбинатында қаза тапқан екі адам – Қазақстан азаматтары. Олардың өліміне байланысты…

Сенатор Бибігүл Жексенбай өзінің депутаттық сауалында аудандық және облыстық баспасөз мұрағатын сақтаудағы өзекті мәселелер туралы жария етті,  деп жазады QazNews.kz Деректер бойынша Қазақстандағы 200-ден астам аудандық және қалалық газеттің көбі жүз жылдан астам уақыт бойы шығып келеді. Бұл басылымдар еліміз аймақтарының әлеуметтік-экономикалық даму барысын жазды, жергілікті өзін-өзі басқару органдарының ресми шешімдерін жариялады және елді мекендердің күнделікті өмірін көрсетті. Дегенмен, соңғы жылдары аудандық баспасөз мұрағаттары жүйелі проблемаларға тап болуда. Редакциялар жабылған немесе қайта құрылған кезде мұрағаттар жоғалуда немесе мүлдем жойылады. Еліміздегі 1930-2000 жылдарда шыққан аудандық газеттердің бірыңғай цифрлық тізілімі мен толыққанды электрондық қоры да жоқ. Бибігүл Жексенбайдың айтуынша, құқықтық қауіптер ерекше алаңдаушылық…

Түркістан облысында өз әкесін аяусыз ұрып, соның салдарынан оның өліміне себепкер болды деп айыпталған 41 жастағы Алмас Садақбаевқа қатысты сот процесі аяқталуға жақын,  деп жазады QazNews.kz Сот барысында айыпталушы кінәсін толық мойындады. Ол қылмысты есінен танып қалған күйде жасағанын айтты. Садақбаев сотта эмоцияға беріліп, көз жасына ерік берді және жазасын жеңілдетуді сұрады. Ол өзінің кәмелетке толмаған балалары бар екенін, сондай-ақ отбасындағы жалғыз асыраушы болғанын алға тартты. Бұл іс бойынша үкім бүгін жариялануы тиіс. Еске салайық, 2025 жылдың қыркүйегінде Түркістан облысында ер адамның өз әкесін балағаттап, қорлап, ұрып-соққан видеосы әлеуметтік желіде тараған еді. Осыдан кейін полиция күдіктіні қамауға алып, оған екі бап…

Мәжіліс депутаты Әбутәліп Мұтәлі заманауи автомобильдер, оның ішінде қытайлық көліктер де қазақстандықтардың жеке деректерін жинайтын құралға айналуы мүмкін екенін айтты. Ол бұл туралы бүгін мәжіліс отырысында депутаттық сауалын жариялады,  деп жазады QazNews.kz Депутаттың айтуынша, қазіргі таңда елде заңсыз тыңшылыққа қолданылуы мүмкін техникалық құрылғылардың айналымы іс жүзінде реттелмей отыр. «Нарықта GPS-трекерлер, GSM-маяктар, мини-камералар, диктофондар және өзге де электронды құрылғылар еркін сатылып жатыр. Оларды интернет арқылы ешқандай лицензиясыз немесе сертификатсыз сатып алуға болады — банк картасы мен интернетке қолжетімділік болса жеткілікті», — деді Мұтәлі Мәжіліс отырысында. Оның айтуынша, мұндай құрылғылар азаматтардың жеке өміріне және отбасы құпиясына қол сұғылмау жөніндегі конституциялық құқықтарына тікелей қауіп…

Қазақстан Республикасы Сыртқы істер министрлігі Қара теңіздегі жағдай бойынша мәлімдеме жасады,  деп жазады QazNews.kz Ведомство 13 қаңтарда Қара теңіз акваториясында Каспий құбыры консорциумының теңіз терминалына бет алған үш танкерге ұшқышсыз ұшу аппараттары арқылы жасалған шабуылдарға байланысты алаңдаушылық білдірді. «Бірқатар еуропалық мемлекеттің елшілерімен өткізілген шұғыл кездесулер, сондай-ақ, америкалық тараппен және өзге де шетелдік серіктестермен болған байланыстар барысында халықаралық құқық нормаларын қатаң сақтай отырып, көмірсутегін тасымалдаудың, оның ішінде теңіз жолдарындағы қауіпсіздікті қамтамасыз ету бойынша қажет шаралар қабылдаудың маңыздылығына ерекше мән бердік. Қазақстан Республикасының қандай да бір қарулы қақтығысқа қатысушы емес», — деп жазылған хабарламада. Министрлік танкерлердің рұқсаттары болғанын және талап етілетін сәйкестендіру жабдықтарымен…

Алматы облысы Жамбыл ауданы Беріктас ауылында оқушының қаза табуына қатысты полиция ресми түсініктеме берді,  деп жазады QazNews.kz Полиция мәліметінше, 2026 жылғы 8 қаңтарда орын алған оқиға бойынша абайсызда адам өліміне әкеп соққан денсаулыққа қасақана зиян келтіру дерегімен сотқа дейінгі тергеп-тексеру жүргізіліп жатыр. Жедел-іздестіру іс-шаралары барысында кәмелетке толмаған күдікті ұсталып, заңнамада белгіленген тәртіппен уақытша ұстау изоляторына қамалған. Алдын ала деректерге сәйкес, оқиға кезінде күдікті тарапынан соққы жасалған. Алайда полиция бұл мәліметтердің алдын ала сипатқа ие екенін атап өтті. Қазіргі таңда оқиғаға қатысушылар мен куәгерлердің көрсетулері, сондай-ақ тағайындалған сараптамалардың қорытындылары жан-жақты тексеріліп жатыр. Сонымен қатар, бұған дейін тараған оқиғаның ақшаға байланысты болғаны жөніндегі…

Шымкентте қаза тапқан 21 жастағы қыздың өліміне қатысты тың деректер шықты, деп жазады QazNews.kz «КТК» телеарнасы мәліметінше, Шымкенттің орталығында пышақталып қаза тапқан Нұрайдың мәйіті туған ауылы Төрткөлде жер қойнына тапсырылған. Жақындарының айтуынша, марқұм мен күдікті былтыр тойда танысқан. Көп өтпей, оны алып қашқан кезде қыз көнбей кетіп қалған. Бірақ содан бері бойжеткенді аңдуын қоймаған көрінеді. «Қыз бен жігіт таныс болған. Бірақ қыз бұл жігітті ұнатпаған. Қыз ата-анасына «бір жігіт артымнан қалмайды, телефоныма қайта-қайта қоңырау шалады» деген. Телефон арқылы қорқытып, үркіткен. Кіреберістің алдында қызды күтіп отырған. Болмаған соң ата-анасы қала прокуратурасы мен Полиция департаментіне арызданған», — деді марқұмның туысы Кәрімжан Кенжетаев. Алматыда дизайнер мамандығы…

Алматы облысы Жамбыл ауданы Беріктас ауылында оқушы қаза тапты. Қайғылы оқиға үш күн бұрын болған, деп жазады QazNews.kz Алдын ала мәліметке сәйкес, екі оқушы бір баланы соққыға жыққан, салдарынан жасөспірім көз жұмған. Оқиғаның ақшалай келіспеушілік салдарынан туындауы мүмкін екені айтылады. Тараған ақпаратқа сүйенсек, жанжалдан кейін күдіктілер баланы көлікке отырғызып, біраз уақыт алып жүрген. Алайда оның өмірін сақтап қалу мүмкін болмаған. Оқиға орнында марқұмның ағасы да болғаны туралы ақпарат тарады. Қазіргі таңда аталған дерекке байланысты құзырлы органдар тергеу амалдарын бастады. Оқиғаның нақты мән-жайы мен себептері анықталып жатыр.