Ұжымдық қауіпсіздік туралы шарт ұйымының (ҰҚШҰ) бас хатшысы Иманғали Тасмағамбетовтың өкілеттік мерзімі аяқталуға жақын. 27 желтоқсанда Бішкекте ұйымға мүше мемлекеттер оның орнына жаңа үміткерді қарастырады, деп жазады QazNews.kz
Күн тәртібінде – есірткі трафигімен және заңсыз көші-қонмен күрес, аймақтық қауіпсіздік мәселелері және 2026 жылғы Ресей төрағалығына арналған басымдықтар. Жиын қорытындысында мүше елдер қауіпсіздік саласындағы ортақ ұстанымдарды қамтитын декларация қабылдамақ.
Тасмағамбетовтің қызметі
Қазақстанның экс-премьері, бұрынғы қорғаныс министрі және Астана мен Алматының бұрынғы әкімі Иманғали Тасмағамбетов 2023 жылы ҰҚШҰ бас хатшысы болып тағайындалған еді. Оның бұл қызметтегі кейбір мәлімдемелері қоғамда талқыға түсіп, сынға ұшыраған болатын. Кейін ол айтқандары бұрмаланғанын мәлімдеген.
Жаңа бас хатшының кандидатурасы жыл соңына дейін келісіліп, мүше елдердің ортақ шешімімен бекітіледі.
