Бүгін Respublica партиясынан сайланған Қазақстан Республикасы Парламенті Мәжілісінің депутаты Нұргүл Тау Алматы қаласына келді.
Ол Орталық Азиядағы ең ірі «Ақ тәртіп» қоқыс сұрыптау кәсіпорнында болды. Компания 25 жылдан астам жұмыс істеп келе жатыр, қалдықтарды жинау және шығару нарығында басым орынға ие.
«Коммуналдық қалдықтарды шығару — кез келген елді мекен үшін өзекті мәселе. Ірі агломерациялардың тұрғындарының саны да, қоршаған ортаға әсері де артып келеді. Қалалық аумақтардың экологиясы мен тазалығы үшін күрес өзекті болып отыр, өйткені жайлы қоршаған кеңістік адамдардың әл-ауқатына, олардың көңіл-күйіне, өмір сапасына тікелей әсер етеді«, — деді депутат.
«Ақ тәртіп» ЖШС-де 910 адам жұмыс істейді, оның ішінде 821 адам — қалдықтарды жинаумен және шығарумен тікелей айналысатын өндірістік персонал. 200 бірлік мамандандырылған техника жылдың кез келген уақытында қалаға қызмет көрсетуге дайын.
Депутат қоқысты сұрыптау кезінде қолданылатын технологиялармен танысып, зауыт қызметкерлерімен жұмыстың тиімділігі мәселелерін талқылады. Салада туындайтын проблемалық мәселелер көтерілді, оларды шешу жолдары талқыланды.
Нұргүл Тау Алматы қаласы мен бүкіл өңірдің экологиялық жағдайын жақсартудағы зауыттың рөлі мен елімізде экологияны жақсарту бойынша жүргізіліп жатқан реформалардың маңыздылығын атап өтті. Сондай-ақ, осындай объектілердің санын көбейту және олардың жұмысын жетілдіру жөнінде ұсыныстар әзірлеу қажет дейді депутат.