Қазақстанда мектеп оқушыларына үзіліс уақытында ұялы телефон қолдануға тыйым салынбайды. Шектеу тек сабақ өтіп жатқан кезде ғана күшінде болады, деп хабарлайды qaznews.kz.
Оқу-ағарту министрлігінің бірінші вице-министрі оқушылардың сабақ барысында телефондарын қайда қоятынына қатысты түсініктеме берді.
Оның айтуынша, бұл мәселені әрбір білім беру ұйымы өз мүмкіндігі мен жағдайына қарай реттейді. Кей мектептерде телефондар сыныптағы арнайы орындарда сақталса, енді бірінде арнайы жәшіктер орнатылуы мүмкін.
«Телефонды кімге тапсыратынын немесе қай жерде сақталатынын әр мектеп өз тәртібіне сәйкес анықтайды», – деді бірінші вице-министр.
