Америкалық делегация өкілдері 11 наурызда Сауд Арабиясындағы Украинамен келіссөзде сирек кездесетін металдар туралы келісімге қол қоюды кейінге қалдырды, — деп хабарлайды QazNews.kz «Суcпiльне» басылымына сілтеме жасап.
«Келісімді Украина үкіметі мақұлдады, сондықтан оны үстелге қойдық, себебі олар да (АҚШ делегациясы — еск.) Вашингтонға нақты нәтижемен оралса екен дедік», — деп мәлімдеген жағдаймен таныс дереккөз басылымға.
Оның айтуынша, америкалық делегациядан үзіліс алып, бірден егжей-тегжейлі келісімге көшу туралы ұсыныс түскен.
Айта кетейік, 11 наурызда Сауд Арабиясындағы америкалық және украиналық делегациялардың кездесуінің қорытындысы бойынша АҚШ Украинаға әскери көмек беруді қайта бастау туралы шешім қабылдады.
