Автор: Али

Кейінгі кезде медицина қызметкерлеріне шабуыл жасайтындар көбейді. Депутат Асхат Аймағамбетов Мәжілісте жағаұстатар жайттарды айтты, деп жазады QazNews.kz Денсаулық сақтау министрлігінің ресми деректері бойынша кейінгі бес жылда 280 шабуыл тіркелген. «Бірақ ашығын айтайық: бұл айсбергтің тек ұшы ғана. Шынайы санды кемінде 10-ға көбейтуге болады. Медицина қызметкерлері бүгінде шабуыл туралы көбіне арызданбайды, өйткені олардың қорғау табатынына сенімі жоқ, бұған қоса дәрігерлер жұмыстың орнына тергеумен жүруге уақыт жоғалтқысы келмейді», — деді депутат. Асхат Аймағамбетов бұл жағдай «өлім мен өмір мәселесі екенін» айтты. «Жедел жәрдемге шабуыл жасау деген жай ғана төбелес емес. Мас бұзақы жүргізушіні ұрған кезде оны ғана ұрып жатқан жоқ. Ол көрші көшеде тынысы…

Қазақстан Өзбекстаннан газ тасымалы үшін 2 млн доллар өндіруді талап етуде, деп жазады QazNews.kz QazaqGaz құрамына кіретін «Интергаз Орталық Азия» компаниясы өзбекстандық «Узтрансгазға» қарсы халықаралық қаржы орталығы арбитраж орталығына талап-арыз түсірді. Бұл туралы салалық сарапшы Олег Червинский хабарлады. Дау неден туды? Қазақстан тарапы Өзбекстан газының еліміздің аумағы арқылы транзиті үшін шамамен 2 млн доллар талап етіп отыр. Бұл соманы «Интергаз Орталық Азия» өз есебімен есептеген. Өзбекстан не дейді? «Узтрансгаз» бұл талаппен келіспей, өз кезегінде қарсы талап түсірген. Өзбекстан тарапының айтуынша, газды өлшейтін түйін олардың аумағында орналасқан, сондықтан Қазақстанның есептеулерімен келіспейді. Қазіргі таңда Қазақстан тарапынан берілген талап-арызды қарау уақытша тоқтатылған.

Жоғары аудиторлық палатада Солтүстік Қазақстан облысында жүргізілген мемлекеттік аудиттің қорытындылары шығарылды, деп жазады QazNews.kz Солтүстік Қазақстан облысына бөлінген бюджет қаражаты мен мемлекеттік активтердің пайдаланылу тиімділігіне жүргізілген аудит аяқталды. Аудит қорытындылары Жоғары аудиторлық палатаның отырысында қаралды. Жүргізілген тексеру соңғы 5 жыл ішінде облыс негізгі әлеуметтік-экономикалық көрсеткіштерді орындағанын көрсетті. Жалпы өңірлік өнімнің (ЖӨӨ) тұрақты өсуі байқалады, ол 2020 жылдан бері 69%-ға артқан. Жұмыссыздық деңгейі 0,4%-ға төмендеген, ал кірісі ең төмен күнкөріс деңгейінен аз азаматтардың үлесі 2,3 пайыздық тармаққа азайған. Сонымен қатар тұрғын үй қоры 600 мың шаршы метрге көбейген. Дегенмен аудит барысында өңірдегі өмір сапасына теріс әсер ететін бірқатар факторлар, бұзушылықтар мен кемшіліктер анықталды.…

Әнші Мұқасан Шахзадаевты қандай жаза күтіп тұрғаны белгілі болды. Бұл туралы «Нұр-Мұқасан» тобының жаңа мүшесі Ғалымжан Сүлейменнің адвокаты Инга Иманбай мәлімдеді, деп жазады QazNews.kz Мәліметке сүйенсек, іс ҚР Қылмыстық кодексінің 107-бабы 2-бөлігі — «Адамдар тобының алдын-ала сөз байласуы арқылы денсаулыққа қасақана орташа ауырлықтағы зиян келтіру» бойынша қозғалған. Бұл бап бойынша айыпты деп танылған адам 3 жылға дейін бас бостандығынан айырылуы мүмкін. Еске салайық, Ғалымжан Сүлейменнің айтуынша, даудың бәрі әннен шыққан. Мәселені шешу үшін ол Шахзадаевтың үйіне барған. Алайда соққыға жығылған. «Полиция Мұқасанды емес, мені алып кетті» дейді. Енді «Нұр-Мұқасан» тобының мүшесі заңгерлердің көмегіне жүгініп, «жуан жұдырықты» әншіні жауапқа тартқысы келеді. Кеше әнші…

Жетісу облысында таңертең жер сілкінді, деп жазады QazNews.kz ТЖМ «Сейсмологиялық зерттеу институты» ЖШС сейсмикалық станциялар желісі 26 қарашада Астана уақытымен сағат 07:15-те жер сілкінісін тіркеді. «Жер сілкінісінің ошағы Қазақстан аумағында, Алматы қаласынан солтүстік-шығысқа қарай 160 шақырым жерде орналасқан», — деп жазылған хабарламада. Жер сілкінісі Жетісу облысы Сарыөзек ауылында 2 балл болып сезілген. Зардап шеккендер мен қираған ғимараттар туралы мәлімет түспеген.

Астанада із-түзсіз жоғалған мектеп оқушысын іздеу жұмыстары аяқталды. Қыздың денесі Есіл өзенінен табылды, деп жазады QazNews.kz 24 қарашада кешкісін сағат шамамен 18:30-да үйден шығып кеткен қызымен байланыс үзілгенін айтқан әйел полицияға жүгінген. Осы ақпараттан кейін полиция қызметкерлері мен еріктілер бірден іздеуге кірісіп, жақын маңдағы аумақтарды және жағалауды тексерген. Куәгердің айтуынша, ол таңғы сағат 06:00 шамасында қыздың көпірден өзенге секіргенін көрген. Бірнеше сағатқа созылған іздеу жұмыстарынан кейін оқушының денесі судан шығарылды. «Өз-өзіне қол жұмсау фактісі бойынша қылмыстық іс қозғалды. Оқиғаның барлық мән-жайы анықталып жатыр», – деп хабарлады Астана ПД баспасөз қызметі.

Қазақстанда әуе билеттері бір жылда 24%-ға қымбаттады. Бұл туралы energyprom.kz сарапшылары мәлімдеді, деп жазады QazNews.kz Кейінгі 12 айда билет бағасы 107-117% аралығында өзгеріп тұрған. Бұл деректерді Ұлттық статистика бюросының «Талдау» жүйесі жариялады. Өңірлердегі жағдай Ел бойынша орташа қымбатшылық 20% шамасында. Атырау және Маңғыстау облыстарында баға 44%-дан асқан. Абай облысында керісінше билеттер 7,5%-ға арзандаған. Ірі әуе компаниялары баға өсуіне қатысты ресми себеп келтірмеген. Тек парк кеңейту, халықаралық бағыттарды арттыру, қызмет сапасын көтеру туралы ақпарат береді. Бұл шығын өскенін жанама түрде көрсетеді. Үкімет не дейді? Бұған дейін билет қымбаттауы мүмкін екені айтылды. Себептер ретінде: ҚҚС мөлшері өзгеруі; Қосалқы бөлшектердің және ұшақтардың қымбаттауы; Авиаотын бағасының өсуі т.б.…

«Атамекеннің» бұрынғы қызметкері, қазіргі Мәжіліс депутаты Айтуар Қошмамбетов төрт бірдей қызметкері жұмыстан кеткен кәсікерлерлер палатасын сынап тастады, деп жазады QazNews.kz Respublica партиясынан саяси ұйымның партиялық тізімімен Парламент Мәжілісінің депутаттығына сайланған Айтуар Қошмамбетов “Атамекен” ұлттық кәсіпкерлер палатасын сынға алды. Қошмамбетовтің өткен мансап жолына қарасаң, бұл құрылымға біршама жылдарын арнаған. Ресейде туып, Қазақстанда білім алған Айтуар Қошмамбетов еңбек жолын прокуратурада кіші қызметкерліктен бастаған. Заңдылықтарды қадағалау органында көп аялдамай, бірден кәсіпкерлер палатасына жұмысқа ауысады. Түрлі автобиографиялық платформада оның “Атамекен” кәсіпкерлер палатасында он жыл жұмыс істегені, соның ішінде Алматы қаласында филиалда жетекші болғаны көрсетілген. Депутат осы “онжылдықты” өмірі мен мансабы туралы айтқанда кездесулерде де және өз…

Алматы облысында бір жарым жыл бұрын көз жұмған баланың атынан ашылған жалған ақша жинау науқаны қоғамда үлкен резонанс тудырды. Марқұмның отбасы алаяқтар баланың есімін пайдаланып, адамдардың сезімін ақша табуға айналдырды деп мәлімдеді, деп жазады QazNews.kz «31 арнаға» сілтеме жасап. Екі жыл бұрын бала ауыр науқасқа шалдыққан кезде отбасы емге ақша жинай бастаған. Сол кезде қазақстандықтар 70 мың доллардан астам қаражат аударған. 2024 жылы ақша жинау жабылып, отбасы қалыпты өмірге оралмақ болған. Алайда жуырда интернетте қайтадан сол баланың еміне ақша жиналып жатқаны жайлы видеолар тараған. «Менің қайтыс болған баламның атынан ақша жинап жатыр. Бір күн бұрын түсіме кіріп, мұңайып, ренжігенін көрдім. Келесі күні сол…

Сыртқы істер министрлігі Вьетнамдағы қазақстандықтарға үндеу жасады, деп жазады QazNews.kz  «Осы күнге дейін елшілікке немесе дипломаттарымызға туристерден бірде-бір хабарлама түспеген. Бұл жаңбырлы маусым, табиғи жағдай екенін бәрі түсінеді. Сондықтан азаматтарымыздан абай болуды және жергілікті билік айтқан барлық ережені сақтауды сұраймыз», — деді СІМ өкілі Айбек Смадияров брифингте. Айта кетейік, Вьетнамда су тасқыны мен көшкін салдарынан шамамен 90 адам қаза тауып, 12 адам хабар-ошарсыз кеткен.