Қазақстан Республикасы Орталық сайлау комиссиясы Құрылтай депутаттарын сайлау бойынша дауыс берудің алдын ала қорытындыларын жариялады, деп хабарлайды Qaznews.kz.
ОСК мәліметінше, ел бойынша 12 623 289 сайлаушының ішінен 9 351 539 адам дауыс берген. Осылайша, алдын ала есеп бойынша сайлауға қатысу көрсеткіші 74,08 пайызды құрады.
Алдын ала нәтижелерге сәйкес, партиялар мынадай дауыс жинаған:
- «Әділет» партиясы – 6 528 948 дауыс (71,17%)
- «Ауыл» халықтық-демократиялық патриоттық партиясы – 574 621 дауыс (6,26%)
- Respublica партиясы – 509 631 дауыс (5,56%)
- «Ақ жол» Қазақстанның демократиялық партиясы – 478 083 дауыс (5,21%)
- Жалпыұлттық социал-демократиялық партия – 469 058 дауыс (5,11%)
- Қазақстан халық партиясы – 285 395 дауыс (3,11%)
- «Байтақ» жасылдар партиясы – 97 751 дауыс (1,07%)
Сондай-ақ, «Барлығына қарсы» нұсқасын таңдағандардың үлесі 2,51 пайызды құрады.
Осылайша, алдын ала нәтижелер бойынша «Әділет», «Ауыл», Respublica, «Ақ жол» және Жалпыұлттық социал-демократиялық партиялар Құрылтайға өту үшін қажетті 5 пайыздық межеден асты. Ал Қазақстан халық партиясы мен «Байтақ» партиясы бұл межеге жете алмады.
