Петропавлдағы макарон фабрикасында 35 жастағы жұмысшы қамыр илейтін құрылғыға түсіп, көз жұмды, деп хабарлайды qaznews.kz.
Қайғылы оқиға түнгі ауысым кезінде болған. Алдын ала мәлімет бойынша, жұмысшы құрылғының ішін қамырдан тазалап жатқанда, аппарат кенеттен іске қосылған. Оқиға оның жанындағы әріптесінің көз алдында болған. Ол дер кезінде шегініп үлгеріп, аман қалған.
Полиция аталған факті бойынша қылмыстық іс қозғады. Қазір тергеу амалдары жүргізіліп жатыр.
