Қазақстанда жыл соңына дейін 1,6 мың ауылды интернетпен қамту жоспарланған. Қазірдің өзінде олардың 370-іне интернет желісі жеткізілді, деп хабарлайды qaznews.kz.
Бұл туралы Үкімет отырысында Премьер-министрдің орынбасары – Цифрлық даму, инновациялар және аэроғарыш өнеркәсібі министрі Жаслан Мәдиев мәлімдеді.
Оның айтуынша, ауылдық елді мекендерді интернетпен қамтамасыз ету үшін 11,8 мың шақырымнан астам байланыс желісі тартылған.
Сондай-ақ елдің 20-дан астам қаласында 5G технологиясын дамыту жұмыстары жалғасуда. Бүгінде 5G желісінің 4 мыңнан астам базалық стансасы орнатылған.
Интернет қолжетімділігін арттыру мақсатында теміржол саласында да жұмыстар жүргізілуде. Қазір 50 бағытта қатынайтын 124 пойыздың құрамындағы 1 500 вагон интернетпен жабдықталған.
Бұдан бөлек, интернетке қосу жобасы аясында жеті ұшақ пен 50 туристік нысанда тиісті жұмыстар жалғасып жатыр.
