Қытайлық Aito M7 кроссоверлерінің иелері Ухань қаласындағы Aito диллерлік орталықтардың бірінің алдында шеру өткізген. Себеп компания Aito M7-ді алғашқы клиенттерге жеткізіп бергеннен кейін 60-ақ күн өткенде рестайлингі туралы хабарлаған. Камри 70-тен кейін, бірқатар өзгерістермен 75 шыққаны сияқты. Камри 5 жылда рестайлинг жасайды. Бұл туралы Facebook желісінде журналист Ербол Азанбек жазды.
Мыналар 60 күннен кейін кіріскен ғой. Өйткені клиенттерге жеткеннен кейін көлікте үлкен ақаулар бары анықталған. Енді алғашқы партиясын алғандар «қорада», маңырайды. Көліктің бағасы бірден түседі, бөлшек табылмайды. Нәтижесінде мүлдем арзанға сатуға мәжбүр немесе біраз жыл мініп, құрт жайғыш жасайды. Клиенттер соған наразы болып, шеруге шыққан ғой,- дейді журналист.
“Өткенде жазғанымыздай қытайлар көлікті сынақтан өткізуге мән бермейді. Клиенттерге сату арқылы сынайды. Сосын 3 ай, 6 ай, 1 жылда рестайлинг жасай салады. Ортада зардап шегетін клиент. Сондықтан, аты-затын бірінші рет көріп тұрған қытайлық көліктерге жоламаңыз. Қазір Колесада 20 — 27,5 млн аралығында Aito M7-нің 4-і тұр. Біреуі қолма-қол бар дейді. 20 млндық құрт жайғыш керек пе?”,- деп ойын түйіндейді Ербол Азанбек.