видео кадры
Алматыда әл-Фараби даңғылында тағы жол апаты болып, адам өлімімен аяқталды. Жолдан өтіп бара жатқан әйелді көлік қағып, ол оқиға орнында көз жұмды, деп хабарлайды QazNews.kz, Dalanews.kz- ке сілтеме жасап.
Қалалық Полиция департаментінің мәліметінше, оқиға 25 наурызда кешкі уақытта болған. Mitsubishi Delica көлігінің жүргізушісі әл-Фараби даңғылымен шығыс бағытта келе жатып, Розыбакиев көшесімен қиылыста жаяу жүргіншіні қағып кеткен.
«Ауыр жарақат алған әйел сол жерде қайтыс болды», — деді полиция.
Бұл дерек бойынша қылмыстық іс қозғалып, тергеу жүргізіліп жатыр.
Еске салайық, бұған дейін жол апаты 21 наурызда болды. Салдарынан үш адам көз жұмды.
