Бүгін Қазақстан мен Орта Азиядағыпедагогикалық бағыттағы көшбасшы Абай университеті QS Stars халықаралық рейтингтік жүйесі бойынша «Бес Жұлдыз» үздік белгісін иеленіп, өзінің позициясын одан ары нықтай түсті. Бұл мәртебелі марапат еліміздің тұңғыш жоғары оқу орнына академиялық, ғылыми-зерттеу, әлеуметтік қызмет және тиімді басқару бағыттарындағы жетістіктері үшін табыс етілді.
Корея Республикасының Сеул қаласындағыKorea университетінде Азиядағы жоғары білім ордалары үшін аса әлеуетті «QS Higher Ed Summit: Asia Pacific – 2025» саммитінің өтіп жатқанына бүгін үшінші күн. Осы салтанатты жиынбарысында Абай университеті QS Stars жүйесі бойынша «Бес Жұлдыз» үздік белгісін иеленіп, Қазақстан жоғары оқу орындарына үлкен серпіліс әкелді. Бұл мәртебелі атақ – «5 Stars» үздік белгісі университеттің академиялық, ғылыми-зерттеу, әлеуметтік қызмет және тиімді басқару бағыттарындағы жетістіктері үшін беріліп отыр.
QS Stars рейтингі – жоғары оқу орындарын оқыту сапасы, ғылыми зерттеу, түлектердің жұмысқа орналасуы, әлеуметтік жауапкершілік және басқару тиімділігі сияқты негізгі бағыттар бойынша кешенді бағалайтын халықаралық жүйе. Бұл бағалау әр университеттің бірегей артықшылықтарын айқындап, олардың жаһандық білім кеңістігіндегі орнын көрсетеді.
Марапат Сеул қаласында өткен QS Stars Award Ceremony рәсімінде Абай атындағы ҚазҰПУ Басқарма төрағасы-Ректор Болат Тілепке салтанатты түрде табыс етілді. Онда QS Starsжүйесі бойынша аудиттен сәтті өткен және жоғары нәтижелерге қол жеткізген Азияның үздік университеттері аталды.
– Университеттің кешенді аудиттен өтуі біздің мықты және әлсіз тұстарымызды айқындауға әрі даму бағыттарымызды нақтылауға мүмкіндік берді. Ал «Бес Жұлдыз» рейтингі – халықаралық деңгейде бүкіл ұжымымыздың жүйелі, мақсатты және қажырлы еңбегінің мойындалуының айқын дәлелі», – деді ректор.
Осылайша, Абай университеті «Болашақ жоғары білім» саммитінде жоғары нәтижеге қол жеткізіп, Қазақстанның жоғары білім саласының сапасы мен халықаралық бәсекеге қабілеттілігін тағы бір мәрте дәлелдеді.
Естеріңізге сала кетейік, білім берудегі жаңа технологиялар, демографиялық өзгерістер және Азия университеттерінің тәжірибесі биылғы саммиттің басты тақырыбына айналды. Панельдік сессияларда стратегиялық ынтымақтастық негізі тренд ретінде қаралды. Халықаралық басқосу қазіргі университеттер үшін географиялық орналасу немесе елдің экономикалық даму деңгейі басты нәрсе емес екені айқындап, ғаламдық академиялық қауымдастықты біріктіретін стратегиялық әріптестік желілері мен оларды дамыту маңызды екенін көрсетті.