Сенат депутаттары Қазақстанның Құрылыс кодексін мақұлдамай, құжатты Мәжіліске кері қайтарды. Олардың сөзінше, құжаттағы бірқатар бапқа түзету енгізу қажет, деп жазады QazNews.kz
Кодекстің негізгі мақсаты — архитектура, қала құрылысы және құрылыс саласындағы заңнаманы жаңарту, сондай-ақ халықтың қауіпсіз өмір сүру ортасын қалыптастыру. Маңызды жаңалықтардың бірі нысандарды жобалау барысында сейсмикалық микроаудандау карталарын міндетті түрде пайдалану.
Вице-индустрия және құрылыс министрі Қуанышбек Қажкеновтың айтуынша, Қазақстан аумағының 45%-ы сейсмоқауіпті аймақтарда орналасқан.
«Осыны ескере отырып, Құрылыс кодексінде сейсмикалық қауіпсіз құрылысқа арналған бөлек бағыт қарастырылды. Бұл бағыт аясында сейсмотұрақты жүйелерді жаңғырту, сынақтар жүргізу және сейсмикалық микроаудандау карталарын әзірлеу көзделген. Олар жобаларды, бас жоспарларды және детальды жоспарлау кезеңінде қолданылады. Сейсмоқауіпті аумақтарда тұрғын және қоғамдық нысандарға арналған арнайы сейсмқорғау аймақтары құрылатын болады», — деді ол.
Қазіргі таңда мұндай карталар тек Алматы қаласында бар, ал басқа өңірлер үшін енді әзірленіп жатыр.
Кодексте көзделген негізгі нормалар:
- елді мекендердің нақты жоспарлау жобасына түзету енгізуді екі жылда бір реттен артық жасамау;
- нысандарды сейсмикалық тәуекел тұрғысынан құжаттау;
- мемлекеттік архитектура-құрылыс бақылауының өкілеттігі мен жауапкершілігін күшейту;
- құрылыс нысанына бірегей нөмір енгізу;
- күрделі нысандарды «кілтімен тапсыру» форматында жүзеге асыру;
- кепілдік мерзімін ұлғайту;
- нысандарды пайдалануға беру кезінде құтқару және бақылау органдарының қатысуы.
Сенаторлар қай баптармен келіспеді?
Сенат бірқатар нормаларды құжаттан алып тастауды ұсынды. Атап айтқанда:
- уәкілетті органның консультациялық қызмет көрсету ережелерін әзірлеу және бекіту құзыреті шектеледі;
- бас архитекторларды келісу туралы норма алынып тасталады;
- аудандық әкімдіктердің жер учаскелерін беру құқығы шектеледі;
- мердігердің нысанды сүру туралы шешім қабылдауына мүмкіндік беретін норма алынып тасталады.
Сонымен қатар, сел, көшкін және қар көшкіні қаупіне қатысты карталарды қолдану нормаларын 2030 жылға дейін тоқтата тұру ұсынылды.
Соған ілеспе заң жобасы да қайта қаралды
Сенат сонымен бірге архитектура және құрылыс саласына қатысты 12 кодекс пен 21 заңға түзетулер енгізетін заң жобасын қарады.
Негізгі жаңалықтар:
- ескі және апатты үйлерді реновациялау тетігін енгізу;
- сейсмикалық аймақтарда — тиісті карталарсыз жер учаскелерін беруге тыйым салу;
- санитарлық-қорғау аймақтарын белгілеу рәсімін жеңілдету;
- недобросовестных застройщиков тізілімін жүргізу құзыретін жергілікті атқарушы органдарға беру.
Бұл құжат бойынша да бірқатар баптар мақұлданбады. Тізілім механизмі толық пысықталмағандықтан, оны 2026 жылдың 1 шілдесіне дейін кейінге қалдыру ұсынылды.