Жолға асфальт төселмес бұрын құрылыс материалдары зертханадан өтуге тиіс. Бүгін «Жол активтері сапасының ұлттық орталығы» РМК Алматы облыстық филиал мамандары асфальтбетон зауытына тексеру жүргізді. Онда мамандар жолқұрылыс материалдарына қажетті заттарды қарап, зауыт жұмысымен танысты, деп хабарлайды QazNews.kz
Айта кету керек, ҚР Көлік министрлігінің тапсырмасына сәйкес әр жыл сайын «Жол активтері сапасының ұлттық орталығы» РМК Алматы облыстық филиалы барлық облыстағы асфальтбетон зауыттарына тексеру жүргізіліп, республикалық бірыңғай дерекқорды өзектендіру шаралары өткізіледі.
Осыған байланысты асфальтбетон зауыттарының тарапынан құрылыс маусымы басталғанға дейін шығарылатын өнімдерін және қолданылатын материалдарын зертханадан өткізу маңызды. Себебі Мемлекет басшысы Қасым-Жомарт Тоқаевтың тапсырмасына сәйкес жол сапасына баса назар аударылып отыр.
Жалпы Алматы облысында 19 асфальтбетон өндіруші зауыт орналасқан, қазіргі уақытқа мекеме мамандарымен тексеру жұмыстары жалғасып жатыр. Тексеруді «Жол активтері сапасының ұлттық орталығы» РМК Алматы облыстық филиал мамандары жүргізеді. Басты мақсат республикалық және облыстық, жергілікті маңызы бар жолдарға төселетін құрылыс материалдарының сапалы және тиісті нормаларға сай болуы.
