Жетісу облысында жантүршігерлік жол апаты болды, деп жазады QazNews.kz
10 желтоқсанда шамамен 14:15-те Алматы–Өскемен тасжолының 462-шақырымында екі көлік жол апатына ұшыраған.
Алдын ала деректер бойынша KIA көлігінің жүргізушісі жолдың қарсы бағытына шығып кетіп, Toyota көлігімен соқтығысқан.
«Жол апаты салдарынан оқиға орнында төрт адам қаза тапты. Тағы төрт жолаушы әртүрлі жарақаттарымен медициналық мекемеге жеткізілді. Бұл дерек бойынша қылмыстық іс қозғалды. Болған оқиғаның барлық мән-жайын анықтауға бағытталған сотқа дейінгі тергеу жүргізіліп жатыр», — деді полиция.