Павлодарда 10 және 11 жастағы екі қызға жыныстық зорлық көрсеткен 48 жастағы ер адам өмір бойына бас бостандығынан айырылды. Зардап шеккен балалардың екеуінде де мүгедектік болған. Олар үйден білім алған. Кейін қыздардың АИТВ жұқтырғаны белгілі болды, деп хабарлайды Qaznews.kz.
Мемлекеттік айыптау тарапының мәліметінше, оқиға 2025 жылдың көктемінде болған. Ер адам 2018 жылдан бері қыздардың анасымен бірге болған. Осы уақыт аралығында әйел балаларын бірнеше рет оның қарауына қалдырған.
Қылмыс болған күні қыздардың анасы үйде болмаған. Ал ер адам алкогольдік масаң күйде болған.
Сот отырысында айыпталушы көрсетілім беруден бас тартқан. Соның салдарынан оның оқиға кезінде өзінің АИТВ мәртебесі туралы білген-білмегенін анықтау мүмкін болмаған. Бұл туралы мемлекеттік айыптау тарапы хабарлады.
Сот істің мән-жайын қарастырып, ер адамды өмір бойына бас бостандығынан айыру жазасына кесті.
